| اختر لون صفحتك |
| |||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| ::القصص والروايات :: ::مانسمعه وما يقوله القصاص .. من خيال وحقيقة وروايات:: |
 |
| | LinkBack (1) | أدوات الموضوع | طرق مشاهدة الموضوع |
 04-02-2008, 08:42 PM | ||||||||||||||||||
|  حب في الجمس "قصه سعوديه~أنوااع الهبااال والوناسه..لوقريتوها ما رح تنسوها.. بصراااااااااااااااااااااااااااااحه حبيت انزل قصتي الاولى انووواع الهبال والوناسه في هالقصه واتمنى اتمنى اتمنى انكم تعطوني ردودكم وتوقيعاتكم وتعليقاتكم على القصه واتمنى بجد انها تسعدكم اليوم الاربعاء نزلت نسايم وندى من الدرج ولقو اخوهم فهد نازل وجلسوا يسولفون وكانت الساعه11ونصف وسلموا على امهم وكل واحد حب راسها وبعد ماجلسو الام:وين نهى نسايم:اكيد نايمه ندى:امس دخلت عليهاالساعه2 وكانت قاعده عل كمبيوتر فهد:انا نفسي افهم شتسوي وقاطعتهم دخول الوالد:السلام عليكم الكل وعليكم السلام ابوفهد:وين نهى؟ ام فهد:نايمه ندى:ايه ايه اسئل عن بنتك وانا خلني لي الله ابوفهد:انت تعرفين انتو مثل اصابعي لي غاب واحد فيكم افقده بس القعده فاكهه البيت ندى: ما اقول لنا الله فهد يسال ببلاهه: يبه انا اي اصبع فيهم ابو فهد: انت وش ودك ؟ <<< يجاريه فهد: والله اذا ممكن اخر واحد لان اعز هل اصبع مدري ليه مع ان ماله فايده ابو فهد: وجع هذا وانت رجال تقول هل حكي نسايم: الا يبه غريبه رجعتك بدري ابو فهد: اشو انك ذكرتيني الله يذكرك بشهاده ام فهد :خير ان شا الله ابو فهد:تودق بو عبد العزيز ويقول الجمعه عندهم اليوم فهد: اجل خل ندق على شباب ونتواعد بمكان من زمان عنهم وطلع نسايم: واااااااو وناسه اكييد كل بنات عمي بيجون وش البس ياربي وش البس<<<تكلم نفسها ققطع عليها تفكيرها ندى:انا بلبس تيور اللي اشتريته من الامارات يييييوه انشا الله يكون نظيف ام فهد: تقوليين انشا الله قومي شوفييه ترا انا بعد المغرب بمشي قامت ندى بتصعدالدرج ونادتها امها: تكفين نددووي قوي هل خيشه نهى ندى:ابشريوراحت وصحت ندىاللي بلموت صحت وحمد الله تيور نظيف وعرفت عن العزيمه طبعا بدو بتخطيطات<<<< مجرمييين وبعد الغدى الام والابو راحو يرتاحون وبنات رايحو يكملون خططهم وفهد اتفق ويا عيال عمه انهم يجتمعون بيت ابوحمد ويمر عبد العزيزبالجمس وياخذهم الجد:الايا فهد مانويت تعرس. فهد:تو الناس الجد: اي تو الناس اللي كبرك عندهم عيال. فهد: يصير خير تامر على شي انا بروح اريييح الجده : مايامر عليك عدو ببس وصلني بدربك الجد: هو يامره كان قلتيلي اوصلك بعيوني. الجده:عيونك خلها لك مابيها انت شل روحك وانا خلني على فهد الجد: الحين ماعد نعجبك فهد: صلو عا النبي ياجماعه بياذن العصر وانتم تطاقون يلله ياجدتي قومي. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ اما الوضع عند البنات غير نسايم وندى ونهى اتصلات واتفاقات ودنيا شغاله اللي تحط مناكير واللتستشور وندى حاطه لفافات بشعرها وبفمها مصاصه وتكلم العنود بنت عمها بلجوال ودخلت امهم عليهم الساعه4 العصر الام: مابعد خلصتو نسايم: ليش نهى: ياغبيه عشان العزيمه. الام: عيب عليك تكلمين اختك كذا نهى: ماقلت شي غلط الام: نهى اخلصي ترا نابقي شي عل مغرب ندى: على كيفك يمه بقي ساعتين الاربع ا لام: معليش خلصو. راحت نهى عشان تلبس وماتحصل هوشه من امها فتحت الدالوب طلت تنوره جينز سماويي تحت ركبه بشوي وبلوزه زهري وليموني<<<الوانها المفضله وتروشت ولبست وحطت لها شدو ناعم بلون زهري يدرج الين يكون اصفر وكحل اسود مبين جمال عيونها اللي مثل عيون جدتها وقلوس زهري وشعرها فالته ناعم اسود يوصل نص ظهرها ونزلت وفي الدرج ندى:وااااااو شو ها لحلاوه بيشوفونك بيخطبونك قبلي روحي غسلي وجهك وانفشي كشتك نهى:لا عيوني ماراح اسوي شويي موتي بغيرتك فهد:اسرعو ورانا وراي ناس بوصلكم نسايم: وهي نازله ممكن اعرف ليش انت مطفوق نهى: يللللللللله ياندى ترى تاخرنا ترى فهد بيذبحك ندى:اصبري ماكله مصاص وماطاع يروح اللون من فمي نهى:موشغلي انك بزر ندى: لاحبيبتي محد بزر غيرك وفي بدايه الدرج نسايم:وجع يالمبزره بس انتي وياها اللي يشوفكم منا يقول كل وحده كبر جدتي نهى:والله حبيبتي مالك شغ.... <<دخل فهد فهد: وجع لو انكم تفصلون العبايات ماطولتو هالكثر ترى مب موديكم3 دقايق والله لوماتجونه بروح وطلع وصفق الباب وراه طبعا البنات ارتبشو لانه سوااهافيهم اكثر من مره. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ *تعريف بالعوئل* الجد: ابو عبد الرحمن(حمد) الجده:ام عبد الرحمن(ساره) الجد والجده عايشين بيت ولدهم عبد الله ترتيبه الثالث(ابو فهد) يمكن تسغربون بس الجده ماتحب الا ام فهد وماترتاح الا لها مع ان كل زوجاتهم طيبين بس عجايز وحركاتهم. ~~~~~~~~~~~~~~~~~~~~~~~~~~~~~~~~~~~~~~~~ ابنائهم: :عبد الرحمن ابو عبد العزيز:طبعا كبير عائله وله الشور بعد ابوه تهاني ام عبد العزيز:ام فاضله ساره:عمرها 26متزوجه ولد عمتها راشد وهي حاليا حامل عبد العزيز:عمره23متخرج فسم بترول ومعادن وعو حاليا يشتغل بشركه العائله رهف:21اخر سنه لغات وترجمه مشعل:عمره 17 ثاني ثنوي ~~~~~~~~~~~~~~~~~~~~~~~~~~~~~~~~~~~~~~~~~ عبدالله ابو فهد:وشخص يتميز بحكمته وصبره شديد فاطمه ام فهد: الام المحبه والمعطائه فهد:25 سنه ويشتغل مع ابوه وعمامه نسايم:21تدرس تربيه خاصه ندى:19تدرس علم نفس رامي: 18 بثالث ثنوي نهى: القعده المدلعه 17 ثاني ثنوي ~~~~~~~~~~~~~~~~~~~~~~~~~~~~~~~~~~~~~~~ العمه لطيفه:ام نايف اللي ضحت بشبابها عشان تربي عيالها بعد موت ابوهم الله يرحمه نايف:28وامنيه امه انه يتزوج بس عنده عقده من هسالفه بتنكشف مع احداث القصه راشد:27 متزوج ساره بنت خالته وعنده احلام ومرته حامل مثل ما قلنا نواف:25 ولد فله موسع صدر وداييم طقاق مع العنود اخته العنود:21 دلوعه ماما ~~~~~~~~~~~~~~~~~~~~~~~~~~~~~~~~~~~~~~~~ سلطان:ابوحمد نجاه:ام حمد حمد:22متخرج قسم محاسبه وبيشتغل بعد الباجازه في شركه العائله فهده:20سنه تدرس اداره اعمال مروان:18سنه اول جامعه متقدم سنه ~~~~~~~~~~~~~~~~~~~~~~~~~~~~~~~~~~~~~~~~~ لعم سلمان:عمره 26 ويدرس بل خارج قانون وبقيله 6 شهور ويرجع وسط اهله ~~~~~~~~~~~~~~~~~~~~~~~~~~~~~~~~~~~~~~~~ وصلو ولقو الكل مجتمع وطبعا البنات سلمو وراحو بمجلس ثاني وكل شوي جايه وحده من الحريم تعالو تقهوو معنا... فهده: ياربيييه من هل حريم مايدرون ان قعدتهم ممله وتطفش كل شوي عازمينا مايدرون اننا فتيات نبي نقعد بلحالنا نهى:والله انك صادقه اجل لين قعدنا هذاك مات وهذاك لاحيا وهذيك جاها مدري وشو والله ياعندهم حش موب صاحي نسايم:اسكتي ترا بيجي يوم ونصيير حريم وبناتكم يققولون عنك كذا فهده+نهى: لا نشالله استغفر الله وسكت الجميع لانه شغلو المسجل ويرقصون فهده: نهووه تعالي ابيك بره نهى: مابي فهده باستغراب:لييش؟ نهى:لان وبصراحه اسمي مو نهوووه فهده : اسفين بنت العم نهى تفضلي نهى: اي كذا اطلع وطلعو برى من دوون ةمايحسون البنات فهده: شلونك نهى: قطع الله ابليسك مطللعتني من الوناسه عشان كذا ... القول خلني ارجع فهده:لا هذي مقدمات يختي مو كل شي دفاشه نهى: خلصتي من مقدماتك تفضلي فهدهوهي تدور بجيوبها : ويننه ياربيييه نهى : وشو فهده: الجوال انتضري بروح اجيبه وراحت فهده ونهى قعدت حوالي عشر ثواني وهي تنتظر بس سمعت صوت جاي من الباب الوراني حق الخد م وحست انه رجال وبلفعل كن مشعل بيروح وقرب من جهتها وهي كانت واقفه بزاويه يعني تقدر تحس بل خطواات وراحت تركض ولقتته عبدالعزيزطالع من البوابه الرئيسيه خلاص ضاعت فيها دني وش تسوي كان الكراج مقابلها وكان جمس عمها موجود ور كبته وكانت تظن انه دقايق وبتطلع لكن المصيبه ان عبدالعزيزكان بيددخل المفتاح يعني بيركب انصدمت وبحركه خفيفه طمرت ورااا بس المو ضوع مايخلى من رعب ودموع وكانت تتحمد ان الجمس كان مفتوح ولا كان راحت فيها وجلست مطمنه راسها ودموعها منهمره وتدعى ربها انه مايشوفها ويعدي هل ازمه على خيير ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ رجعت فهد ه ومالقت نهى فهده في نفسها: ماتترك حركاتها هل بايخه اوريها ورجعت جوا مع الجو والربشه والوناسه غاب الموضوع عن بالها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ مشىعبد العزيز لسياره ونهى ورا كاتمه الخوف والضحكه الضحكه على سعود اللي مصدق ان مامعه احدوماخذ الراحه ويغني ويحاكي نفسه والخوف كيف بترجع للبيت وصل عند بيت عمه سلطا ن ابو حمدلا نهم متفقين اذا خلص عبد العزيز اغراض امه يمرهم عشان تكفيهم السياره طبعا اللي ركب قدام اهو فهد ولا عنده فيهم اما الباقين جلسو يطاقون من يركب ورا وحمد اللي ماسك جواله ومشتغل فيه طفش وركب ورا اما نهى وما ادراك ما نهى وش صار لها كانت شوي ولا تموت بس هو لاهي بجواله لكن حس بانفاس كان احد قاعد جنبه وعلى امتداد النظر مالقى شي ولسى بيرجع عيونه عل الجوال وحس بحركه غريبه واللي هي ان نهى من طقت رجلها ورا من الخوف ولتفت وشافها وقعد مبلم<<<لفظ سعودي يعني فاتح عيونه وفمه عل الاخرومو مصدق والاستيعاب وقف عنده. وقعد على هل حاله يمكن خمس دقايق وش هذي وشلون جت بس ماشالله حلوه بس وش جابها وهوبين افكاره انتبه لدموعها اللي مغرقه عيونها وهو سرح بجمال عيونها الكبار وخصل من شعرها على وجههاوبعدين من الحيا نهى غطت وجهها بيديها وحس على نفسهوالتفت وهويقول انا وش جاني ماقدشفت بنات والتفت للشباب لقاهم يسولفون بس ماشاركهم اذا ضحكو ضحك واذا سكتو سكت وصلو للكافي وراحو تحت بل مواقف لان مثل ماتعرفون الشباب مثل النمل القهاوي ونزلو وراحو قعدو وحمد مو معاهم ابدا كان يفكر من هاذي معقوله تكون رهف لالالا شلون تركب مع اخوها كذا اجل مين ؟؟؟ ومن بين علامات الاستفهام تذكر انها بسياره وتحت بمواقف الكوفي وشباب كثار وهي بلحالها لازم يلقى حل قام يدق ويقطع على فهده عشان ترجع تتصل ومايحسون انه يتهرب واتصلت فهده وقالت:بخيييييييييل جدا قال:طيب ابي اعطيك ببيت عمي ابيك تفتحين الباب الكهربائي وراح خذى المفتاح من سعوود بحجه انه فهده تبي غرض ووافق وراح للمواقف لقى شباب شوي قريبين من هناك وثارت اعصابه بس لما قرب حس انهم مايدروون عن شي وركب سياره وشغل من دون اي كلمه وهي كانت تبكي وماستحمل بكاها اللي شكله زاد وقال: خلاص الحين بوصلك نهى:ــــ ـ ـ ـ ـ ـ ـ احترم سكوتها اكيد هي مستحيه ومتفشله اما نهى:مشاعرها متضاربه خوف ورهبه وبنفس الوقت فرح بالمغامره بس الشي الوحيد اللي هي تاكده منه ان الدموع لازمه في هذا الوضع. وبعدين الصمت ساد وحمد ونهى متوترين ونهى ساكته وعيوها تتكلم وصلو البيت واتصلت فهده فهده:الوهلا والله لحظه<<<وكان الجوال لسى عند اذنها فهده:نســــــــــايــــــــــــــم وين نهى لها نص سلعه مختفيه ومطلعتني برا وانا غبيه انتظر متى تجي <<<حمد خلاص هذي نهى صغيرونه والله يادنيا كبرت فهده :الو حمد ها وش تبي حمد:وش فيك طولتي سنه ماتردين فهده:وش اسوي بنت عمك نهى ضايعه حمد:نهى ضايعه هنا نهى خلاصودها تموت عرفني ياربيه وش اسوي حمد:طيب افتحيلي باب كهربائي معي جمس عمي فهده:ليش وش تبي حمد: بس بعطيك غرض فهده:طيب وراحت وجابت ريموت وافتحت الباب حمد يفكر وش يعطيها واالله النشبه دخل السياره ونهى لما عرفت انها دخلت تطمنت وسكتت عن الصياح ونزل حمد: نهى اتنظري عشان اصرف فهده نهى كان ودها تقول ماله داعي بس ماقدرت ونزل ولقى فهده: ها وش تبي تعطيني حمد: جيبي لي كاس مويه وعلمك فهده:الحين جاي ومقطع شوارع عشاان كذا حمد: روحي ولا انت الخسرانه<< واشر على جيبه فهده صدقت وراحت فتح الباب: نهى انزلي قبل ماتجي فهده نهى:طيب <<وهي تقول بنفسها انزل كذا من دون عبايه وش عالمصيبه وكلت امرها لله لانها مضطره ونزلت وركضت تبي تروح جت فهده:خذه حمد وشرب منه شي ورجعه فهده:الحين كل ها الصيحه عشان رشفه اه يا لقهر اخلص وش تبي حمد: انقطع سرحانه وابتلش وقالها: دقيقه وراح للسياره وخذا شريط للعبد العزيز وعطاه اياه وقال: هذا اهدا لكم خذوه وشغلوه فهده بكل استغراب:طيب وطلع وشغل الراديو وطلعت اغنيه من فينا هاليله ينام والشوق صاحي ماينام كل من فينا حبيبي شايل بقلبه ملاااام من فينا هاليله ينام ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ ودخلت فهده:هاست نهى وينك نهى :وين يعني هنا فهده:هين حسابك بعديين<<وتلتفت على رهف:شغلي هذا شرييط جايبه حمد يقول اسمعوه وشغلوه البداايه كانت هدؤ مافي شي وبعدين سعود يغني مقطع من اغنيه خالد عبد اللرحمن حبيبي اسف ازعجتك*حلو صوتك قبل ماتنام *سمعته وانشرح صدري *وكني شفتك بعيني وبعدين بدا هو ونواف يستهبلون ضحك وازعاج والبنات ملقصرو فقعوه ضحكه عليهم العنود:والله حراام صوته حلوبس نواف ها دعله ما يخلي احد من شرهرمخرب كلش ندى:حرام عليك بس عشانه يغايضك تقولين كذا وقاطعهم دخول نسايم اللي كانت سرحانه مووول وكملو البنات سوالف وضحك وهم راجعين ام فهد: هاه وش اخبار عيال عمك فهد: بخير بس هذا حمد قاهرني اول مجلسنا راح وبعدين رجع ولا كانه معنا ونهى كنت ذابه اذنها ياحليله الله يجزاه خير<<طبعا هذا كله بنفسها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ ووصلو كل وحده راحت للغرفتها نهى مانامنت تفكر بلي صار و حمد بعد ولا واحد منهم نايم فيه شخص ثالث يشاركهم اللي هي نسايم تبون تعرفون ليش؟ وهي بل عزيمه نادتها عمتها لطيفه وقالت لها عن مو ضوع مهم بحيياه كل بنت طبعا عرفتوه الزواج وقالتلها انها تبها للولدها نايف اللي عنده عقده من زواج بس نسايم ماتدري عن هاشي ومافاتحت احد بالموضوع غيرها لانها ماتبي تضغط على البنت لان ابوها مستحيل يرد ولد اخته وهي ماتبي البنت تنغصب عليه وقالتلها اذاكانت موافقه او لا هذا مستحيل يغير شي بينهم واذا كانت تبي ترد عليها تتصل عليهم. نسايم تفكر كل شي بولدعمتها مناسب الا شي واحد ان اخوه راشد اصغر منه متزوج وكان كل يقولها وافقي الا قلبها كان يقول ارفضي واذن فجر وهي على افكارها تعوذت من ابليس وصلت ونامت. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ هذا البارت الاول واذا لقيت ردود كملت الاجزء الثاني..... تتوقعون وش بيصير على نهى وحمد ؟ ونسايم وش بترد وهل بتلقى احد يطلعها من دوامه التفكير؟ واحداث كثيره وتطورات كبيره كلها بتكن بل الجزء الثاني برايكم ... |
|
| 04-03-2008, 01:00 AM | ||||||||||||||||||
|  ههههههههههههههههههههههههههههههههه والله انكم مهبل جد الله يرجكم يا المهبل |
|
| 04-03-2008, 01:11 AM | ||||||||||||||||||
| هههههههههههههههههههههههههههههههههههههههههههههههه الله يرجك وربي مت ضحك  مشكور اخوي وخلنا نشوف جديدك   صاحوا .. تناخوا .. دوروبي عذاريب !!!! تجمعوا .. ليلة (وزا) .. سولفوبي ؟؟؟؟ اثري .. مسوي بالقلوب الاعاجيب !! (وانا) مثل وجه السماء نقش ثوبي ؟؟؟؟ ==== x5 ====  |
|
| 04-03-2008, 08:45 AM | ||||||||||||||||||
| لا تنسوووووووووووني من ردودكم وتوقيعاتكم وتعليقااتكم بعد .................................................. .................................................. ................ مر اسبوع ومافي تغيرات وفي الجامعه: رنا:هاه نسايم وش صار عليك نسايم:ولا شي من تفكير عميق الى اعمق رنا: طيب حسب كلامك ان كل شيok نسايم: والله مادري حالتي حاله ولاقدر اخذ راي احد رنا: افا مامليت عينك طيب نسايم:لاوالله بس تعرفين انك مثلي وانامحتاره رنا:طيب صليتي استخاره نسايم:ايه بس ماحسيت بشي غاده وهي توهاجايه:وش توك اللي ماحسيتي فيه لا يكون انا خلاص روحي انت طالق بثلاثه(وسوت ننفسها بتروح) رنا:اقول يا الدجه ارجعي واعرفي السالفه ويصير خير غاده: لا يكون بتسرقون بنك ترى انا وياكم نسايم: ليته كان مخلصين من زمان غاده والاهتمام واضح على على شكلها: وشو اكيد بتسرقين دوله نسايم+رنا:هههههههههههههههههه رنا: لا هذا فيه واحدخاطب نسايم وصار لها اسبوع ماردت غاده: اسبببببببببببببببببببببوع كامل الله الل وللحين ينتظرك نسايم ماعرفت ترد رنا: اقول بنات باي هذا سواق جا وانت يا نسايم اي شي جديد خبريني نسايم: انشا الله باي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ رنا هذي صديقه نسايم الروح بالروح من الابتدائي هم ويا بعض اما غاده تعرفو عليها بالجامعه ودخلت معاهم في جولانها طيبه وحبوبه وتنحب ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ سرحت نسايم شوي وقعدت تفكر بحالتها وبعد شوي هزت راسها تبي تبعد الافكار عن راسها والتفتت على غاده وانصدمت بشكل غاده وهي تبكي وماسكه شنطتها مثل الطفل الصغير اللي يخاف لعبته تضيع منه نسايم: غاده اسم اللع عليك وش فيك غاده:ــ ــ ــ ـــ لارد نسايم :غاده توك وش زينك وش صار لك غاده وهي تمسح دموعها : ولا شي بس تذكرت شي نسايم وبعيونها نظره ترجي: ممكن اعرف وش هو غادهـ:ـ ـ ـ ـ ـ ـ بعد لحظات صمت قالت: مثل ملتعرفين يا نسايم ان ابوي متوفي وانا عشت عند امي وخالي وعمي محيرني للولده اللي صايع وضايع ومافي منه امل وانا مربوط مصيري به ولا ما اشوف بنت زيك كذا تفكر اتمنى اكون مكانها موب وحده رايها مايقدم ولا يااخر واحمد ربك اذا كان اللي متقدم لك واحد اخلاقه عاليه ومتربي صح وماعنده خرابيط هذي اليومين وسكتت ونزلت منها كم دمعه. نسايم:معليش كل شباب كذا بس اذا جاوقت الجد يصيرون احسن الرجال غاده: بخيبه امل مااظن نسايم حست انها في نعمه عظيمه وشكرت باعماقها عمتها اللي مادخلت الرؤس الكباربالموضوع والا غصبوبها نسايم: خلاص مو انتي دايم تقولين هونيها وتهون غاده ضحكت من بين دموعها نسايم وهي التطالع الساعه : يييووووه تاخرت يالله غاده: على ايش نسايم: على البنك بروح اسرقه قبل مايقفل غاده:هههههههههههههه نسايم: يللله مع السلامه وخلي بالك من نفسك وارمي كل شي ورا ضهرك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ راحت ركبت السياره وهي تفكر بحال صديقتها الغاليه ودخلت من دون ماتقول اي حرف فهد: هيييه نحن هنا نسايم: نعم وش تبي فهد: لا شكل الاخلاق خربانه اليوم نسايم :اخلص والله فيني النوم فهد: تجهزي للقنبله نسايم بكل ملل: وشو فهد: بنجيب نهى نسايم: لالالا خلاص انا بنوم العصر بسياره معروف عن نهى انها اذاكانت بترجع معها فهده تتاخر عليهم لانهم بيسكتون وينطمون فهد: اليوم ثلثاء وبتجي فهده وتكمل المصخره نسايم: الله يعيني عل انتظار ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ،،، وصلو للمدرسه ونادو الين ملو بس للاسف لاحياه لمن تنادي وطفش وحر وظهر زحمه يعني كل واحد موصل حده جت نهىومعها فهده: انتو للحين هنا فهد: لا هناك اركبي لااخلي هالنعله تحوس بوجهك وركبو فهده: سلام عليكم فهد+نسايم: وعليكم السلام وصلو البيت وكلهم تعبانين ماعدا فهده ونهى وطيران رقو للغرفه ندى لا ن دوامها يبدى الساعه يبداسبع ويخلص عشر ودخلو الغرفه ندددددددددددددددددددددددددددددددددددىىىىىىىىى قومي وجع وقامو يحوسون بلغرفه حاسو اغراضها زازعجو في نهايه نهى عطت فهده نظره خبيثه وضحكو راحو للمسجل وطولو على اخر شي وبعدين حطت كست نوال زغبي وقوم البيت كله وندى المسكينه من الحمق قامت تطقهم ودخلو في معركه كبيييره ودخل فهد عليهم: وهوناسي ان فهده موجوده وفقعها ضحكه وطلع لان اصلا اشكالهم مب باينه كلهم عالسرير ويطاقون فهو المسكين لمادخل ماشاف الاكشش ومصارخ ونزل تحت للحمد لانه عازمه على الغدا حمد بقلق مصطنع : هاه وش صار فهد: ابدا ولا شي قامت الحرب بين السعلوتيننهى وفهده نهى على خنفساء ندى حمد لما سمع طاري نهى فز قلبه قال يمكن الحين طقوها مسكينه راحمها من جد<< مايدري انها كفختهم ابو فهد: والله مسيكينه هاندى ماتستانس بها اليوم الخفيف الا ونهى مخربته فهد: لا واللعانه انهم هي وفهده من النجاسه ماخلو جيتهم الاربعا لا ثلاثاء بس يزعجونها حمد: فهد رح فكهم حراام فهد: نعم ....... الضاهر انك مستغي نس عني حمد وهو مستغرب: ليش فهد: مره دخلت ونهى وندى يتطاقون ورحت بفكهم مسوي كبير اسدحوني وقغدو يتطاقون فوقي والله لو زوليه رحموها اكثر حمد وهي طايره عيونه: وانا قول فهده من وين جايبه حركات طقاق ابو فهد: يالله تعالو نتغدى فهد: حيااك ودخلو يتغدون ووصلت نسايم من الجامعه وهي تقريبا اخذت قرارها ودخلت سلمت وصعدت فووق وقالت انها بتدق على عمتها اذا صحت ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ نهى وفهده: جالسين يلعبون بليستيشن وماخذين الراحه دخل ابو فهد: هاه بناتي شخباركم فهده: طيبه ابو فهد : دووم انشالله فهده+نهى :اامين بوجودك قال عند لكم خبر انشالله يعجبكم فهده ونهى قربو من تشويق ابوفهد: تبون تعرفون نهى : يبه هذي يبيلها سؤال ابو فهد:بعداسبوعين خالكم سعد بيسوووي عزيمه بمزرعته وانتو اول الحاضرين نهى +فهده: التفتو على بعض ومره وحده ضحكو من الوناسه نهى: يبه لازم نروح للسوق ابو فهد: انشالله فهده: خلاص نهى بكره نرجع مع بعض من المدرسه تبدل وبعدين نطلع نتغدى ونتشرى نهى: هاه يبه وش رايك ابوفهد: احلفي بس من بيررروح وياكم نهى : ناخذ فهد وفهده كملت : وحمد ابو فهد: خلااااااص ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ ومراليوم عادي و راحو للمدرسه وهم طالعين كانو راكبين معالسواق وصلو للبيت وكان فهد توه واصل وكان لابس نظارات شمسيه ويو شافهم نزل النظاره فهد: احلفو اتنو بس فهده+نهى: اييييش فهد :تقررون تاخذوني وتودوني وتجيبوني وانااخرمن يعلم نهى: الله يقطع ابليسك موقفنا بشمس ععشان تقول كذا احسب عندك سالفه ودخلت وسفهته اما فهده قالت:فهد خلك فري وتعال معنا عاد انا عازمتك على حسابي فهد: اقول ادخلي ناقصين مجنن يصعون مع عيال عمهم دخلت وهي تضحك وفهدد ما ستغرب من ميانتها لانها متربيه معاه وكل شي بينهم عادي وهي بلعربي الفصيح ما تستحي منه وراحو بدلو وكان حمد وفهد متفقين يسوون مقلب بل مهابيل دخلت فهده وقالت فهده:ماي برذر ار يو هير حمد:نو اي ام ان قوطي ببسي فهد فقعها ضضضضضضضضضضضحكه: شا هل الانجليزي المكسر نهىوهي داخله: وت ايز سالفه حمد: هاه الله وعلم من اللي انجليزيته مكسره ونهى ماتت حيا منه فهده :يالله يالحبيب حم السياره ورانا مشاوير حمد: اقول تقلعي سواق ابوك مانيب رايح للشيء فهده: مب لازم يالله فهد مشينا فهد: لاكون اخوك ضايع وانا مادري ولازوجك يوم جالسه تتطررين قالهابطنازه رفعت ضغط نهى نهى: اصصص بتودوناولا بطقاق هي مذله فهد+حمد:لالالالالالالااااااااا قالوها بطريقه تستفز قامت نهىوقالت: مع السلامه وفهده راحت وراها: بااااااااي شباب وفهد وحمد: ضحكووووووو لان خطتهم انجحت وثواني ورجعو البنات ومعهم ندى : تششششااااااااو يحلوين وحمد: لا على وين ندى قبل ماتدخل ماخذت جلال لبست عبايتها من جوا ندى:بنروح للسوق وهي تكلم نهى: قلتي للسواق يشغل سياره فهد: لا من سمحلكم ندى: انت عليت بهم ماودك توديهم فانا رحمتهم وقلت للامي وافقت نروح لاننا صبح فهد+ حمد:لااجل بنروح معكم<<< خربت الخطه هم كانوماءملين بترجي وشي من هذا ندى: منب رايحين وانتم معنا يله باي وطلعو وماخلولهم مجال اما حمد تحسف لانه طاوع فهد ولانه ضيع فرصه يملي عينع من عيون نهى بس للاسف ماقدر وجلسو شوي يسولفون وتغدى حمد بعدين طلع منهم راح لصديق عمره يوسف وقاله كل صار يوسف:تستاهل من قالك تبيزر حمد:حرام عليك ياشيخ لا تزيد همي الله يعافيك يسف: الله والهم لو انك خسران حلالك كان قلنا حمد: اقول باي بروح انا يوسف: فمان الله ولا تنسلى تحلم فيها حمد: اقول ورىما تسكت وراح و لاعبره ويوسف يضحك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ كانت ماسكه التلفون ويدها ترتجف وحلتها حاله ودقت الرقم المتصل: الو نايف: الو المتصل:السلام عليكم نايف : وعليكم السلام المتصل: ممكن اكلم ---------- ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ تتوقعون من المتصل ووايش يبي؟ وش بيصير على نهى وفهده بسوق؟ وحمد وشلون بيلقى حل يعوض خسارته بشوفه حبيبته؟ ونسايم: وش بتكون اخر تطورات على خطبتها؟كل هذا بنعرفه بالبارت الجاي |
|
| 04-03-2008, 10:58 AM | ||||||||||||||||||
| البارت الثالث المتصله: ممكن اكلم عمتي لطيفه؟؟؟ نايف: طبعا ممكنبس انتي مين.؟؟ نسايم(الله البلشه شقول الحين):----- نايف: الوووو نسايم: انا نسايم. نايف: هلا ببنت الخال كيفك وكيف الدراسه.؟؟ نسايم( فرحت وارتاحتنسبيا): الحمد الله وانت عساك بخير<< ماتنعطى وجه. نايف: الحمد الله دقيقهواناديلك الوالده نسايم: خذ راحتك وكلمت عمتها وقالتلها وفرحت العمه كثير وملاحظه: نايف كان مايدري ان نسايم زوجه المستقبل كان يعتبرها اخته لا اكثر ولااقل فهو رد كذا من باب المجامله. --------------------------------- وبعدالمغرب:ام نايف ياعنود قومي ناديلي نايف. راحت العنود: وهي تغني: ياطب طب ودلعياا--- ام نايف: وجع انشا الله طبيتي في جليب مال قاع روحي نادياخوك. العنود: بسم الله شلال ادعيه مب دعاء هذاني رحت. ونادت نايف ودخلتوراه ام نايف: هلا بولدي شخبارك شخبار الشغل نايف توه بيتكلم: الح---- العنود: وشلون هو شخبارك وانا دعين علي لا ياحبيبتي العبي غيرها امنايف: عنيده اسكتي واذلفي العنود: بعد بعد انطرد هذي اخرتها. ام نايف تشوتعلبه المناديل وتطلع العنود وهي تضحك نايف: امري يمه؟؟؟ ام نايف: ياوليدي انترجال مصلي وصايم وتخاف ربك ومانقصك الا بنت الحلال ليش ماتزوج وتريحني نايف: يايمه وانا كذا مرتاح مابي اتزوج ام نايف مع دموع: لا يانايف انت منت مرتاح اناكل ماشفت اخوك داخل بنته علي وانت جالس كذا يتقطع قلب عليك لازم تتزوج والبنت عنديوموافقه عليك وموافقه تسكن معي وانا احبها وعارفه انها بتريحني ومحد بيصبر عليكغيرها نايف بعدم مبالاه :اللي تشوفينه ام نايف: بس ياوليدي انا ماابيك تتزوجعشان تطلق ولا ابيك تعذب بنت الناس معك ابيك تراعيها وتحطه بعيونك تراهاامانه نايف: بتنهيده عميقه: ان شالله بس ماقلتيلي منهي— ام نايفبتردد: نسايم بنت اخوي نايف: يمه اخافها ماتبيني بس خالي مفتشل يردك وبعدين اهيصغيره ام 21 وانا مابي اتزوج يعني موب لازم ام نايف: لا انا سالتها بينيوبينها وهي موافقه وان شالله بنروح انا وياك بكره نخطبها رسمي وبعدين ان شالله تبيتاخذ ام اربعين قال صغيره الا هذا العمر المناسب. وبتتزوج قبل ماتغفي عيني عنالدنيا نايف يقول بخاطره دايما حججكم جاهزه وتغصبون الواحد وهو راضي: ان شاللهيمه كلمي خوالي يجون معي ــــــــــــــــــــــــــــــــــــــــــــــــــ ــ اما في لعصر من هذا اليوم ندى ونهى وفهده في سوق يعني في خطر على حياه الليبسوق فهده: نهى شوفي ياحلو هذا التي شيرت نهى: وععع انت من وين جايبه هذاذوق ممكن اعرف؟؟ فهده: حرام والله يجنن انتي ماعندك سالفه ندى: اقول خلصونيترى بياذن المغرب بعد ساعه وبتذبحني امي ان مارجعنا فهده: باخذها عناد وخذتهاوطلعو وهم بسووق شافو واحد علييييه كشه ثلاث كيلو فوق راسه وفارق شعره ولابستيشييرت كبيييير وبنطلون يدخل جواه هو ووبعض الاصدقاء<<<حلوه هذي ونهىشافته ولا ماشفته: قالت وهي تطنز فهده شوفي كشته تجنن هههه وهو كان قريب وسمعها ولاماسمعها التفت بغرور يعني صدق وقال: قولي ما شالله ولف عينه عنها نهى اعلنت حالهاستنفار: احلف مصدق ترى نحسب انهم دافعين لك عشان تطلعبهالمنظرهههههههههههاي ندى جت ينقال بتحل الموضوع قالت: من متطاقين معه بعداعترفو خلونا نعطيهم تعويض على سده النفس فهده وهي ميته ضحك :هذاكــ ـ وندىسمعت ولا ماسمعت يعني هذي العاقله اللي جايبتهم فقعتهاا ضحكه وهي تقول:هذا من واطيراسه ليش كذا كشه وفي النص فاضي فهده+نهى+ندى: صار فرجه من كثرماضحكوعللييييه نهى: اقول خل نطلع لايجينا شي اللهيعافيييكم ــــــــــــــــــــــــــــــــــــــــــــــــــ ـــــخطبهنسايم وكلمو على الخوال واجتمعوا وراحو من بكره المغرب ... دخل فهد: هلا والله نايف جاينا بكبره <<< مايدري عنالسالفه نايف: هلا فيك اللي يسمعك مايقول الخميس اللي راح مطيح عندكم. فهد: عارف بس مؤثرات. وجلسو وكملوا سوالف وتمت الخطبه على خير::::: ومرت الايامبسرعه واليوم اللي بيروحون للمزرعه الخال سعد: وصولو كلهم وجلسو مع بنات الخوالوهم: خال سعد:ابو ياسر ياسر: عمره 23 مسافر يدرس برى مشاعل:20 سنه ثانيهجامعه. ووائل: 18 سنه بثالث ثنوي وعبد الا اله: بثاني متوسط وابتهال: 9سنوات واحلام:3سنوات الخال خالد: اكبر شي عنده بنت اسمها ناديه 16 باولثانوي وروان: 14لاسنه بثاني متوسط وفواز:9 سنوات وجلسه كانت فله عندالرجال بلوت وكيرم والحال ماشي والحريم سواليف وحش مايخلص اما البنات كانوجالسين سوالف ونهى وفهده قلبوها هبال وخصوصا على نسايم من انتشر خبر الخطبه نهى: بنات خل نسوي شي طفش حتى الطنايز خلصت شعوله وين روحك الانسانيه ترىجلستنا كذا بتضر البيئه والمصلحه العامه مشاعل: انا عندي فكره تدور في بالي وابياحد يشجعني ندى:بنت خالي ماتسكت الاعلى بلا يالله عطينا من الليعندك.. مشاعل: اوريك يانديه بس بما اني....... وقاطعها صوت جوال وكان جوالنهى: هلا ......طيب......اقولها........بحاول......بسس عشانها.....ترى بجيبعدها.......باي وسكرت وقالت: نسايم فهد يبيك برى نسايم: يوووووووووهلاتقولون الفكره الين ارجع سمعتو ياويلك يامشاعل وقامت نهى معها نسايم: وانتايش مجيبك.؟؟ نهى: اوصلك اخاف عليك نسايم: فهد وين نهى: عند باب المزرعهاللي ورى نسايم : غريبه اكيد شي مهم نهى: علمي علمك ووصلو ووقفت نسايمقالت: تبيني اطلع صاحيه نهى: اولا المزرعه في مقطعه وثانيا فهد اللي قايلهلي وطلعت نسايم وتفاجئت؟ ــــــــــــــــــــــــــــــــــــــــــــــــــ ــــ امانهى سمعت صوت رجالي جوى بيت الشعر وقربت سمعت صوت موب غريب هذا كانه صوت حمد بس وكانها توها تنتبه: من يكلم؟؟؟ حمد: لا ياعمري انت الخير والبركه لاتزعليني منك .......... لااكيد ابحظر لاتخافين..........كل اللي طلبتيه حاضر........ ماتبين شي ثاني ..... اوكي ..... نوم العوافي وسكرها اما نهى: اللي من سمعت المكالمه وهي تلوم نفسها على اللحظات اللي فكرت فيها \بحمد والاوقت اللي بتسمت على ذكرى حمد ونزلت منها كم دمعه بس مسحتهم هي مالها حق تحكم الرجال اوبمعنى مافي شي ياكد حبها له او حبه لها. تتوقعون نسايم ايش اللي فاجئها؟؟؟ ونهى ايش بيكون عليها؟؟؟ واربع ايام بالمزرعه هل هي كفيله بتغير اشياء كثيره اولا تابعو تطورات قصتي......... لا تنسون الردود ... |
|
| 04-03-2008, 02:08 PM | ||||||||||||||||||
| كملي كملي كملي ههههههههههههههههههههههههههههههههههه قصه روعه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]  [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
|
| 04-04-2008, 09:46 AM | ||||||||||||||||||
| البارت الرابع...... نسايم وهي تبكي مومصدقه اللي تشوفه وراحت حضنت الشخص اللي قدامها (وطبعا انتم تبون تعرفون اصبر و صبرزين) وخصوصا هي متعلقه فيه وغاب عنها وبعدها عنه ...:نسايم خلاص والله ببكيانا ماتحمل فراقك انتي بذات ماحب دموعك نسايم وهي تبعد: من كثر ماشتقتلك عمي ليشماقلتلي انك بتجي (عرفتوه هذا العم الاصغر سلمان اللي يدرس برى) وطلعتنهى:هلا والله وغلا بسلوم ياخي عطنا وجهه مالنا رب سلمان التفت عليها: انت الخيروالبركه شبيهه امي وسلم عليها. حمد سمع الاصوات وجى بيروح بعدين قال لا مو لازمورجع للشباب ـــــــــــــــــــــــــــــــــــــــــ وراحو يمشون للداخلالمزرعه: سلمان: واالله ودي افاجئهم نهى هذا اختصاصها: يللا شوف انا بروحاقول للحريم ان فهد بيدخل واول مايتغطون بقولك سلمان: للحين سوسه طيب نسايم: بنات عندي لكم مفاجئه روحو عند الحريم ناديه: لا ماابي طفش عندهم وخلونا نصب نسايم: اللي يبي يجي بيفرح وجيبو معكم جلا لاتكم لانه احتمال فهد ايدخل عشانالمفاجئه.......طبعا هي تقصد بنات خوالها اللي مايكونون محارم لل سلمان راحووصفو هم والحريم وقعدو : نهى: سكوووووووووت عشان تكمل الطبخه الم عبد اللرحمنالجده: وش تبين يالخبله نسايم عسى ماخربتي مثل اختك نهى : اقول بلا صجه اللهيفشلكم ماعمركم شفتو حب وشذا بزران كانت صاله مليانه قشر الحب طبعا مايحلى سواليفالابه نسايم: كل وحده تقد بمكانها وتتغطى زين بنفتح البباب ونهى: فتحت البابودخل سلمان ام عبد الرحمن مشت وبعيونه لهفه وحرمان هذا ولدها يناس وراح لها حظنتهوقعدت تبكي فراق ابنها الغالي المو قف مؤثر ومشاعل بكت تذكرت فراق اشخاص عزيزينعلها بمراحل حياتها.... سلمان: يمه ليش الترى بصيح كلش ولادموعك الحين مفروضتفرحين مو تزعلين الجده: ياوليدي من شوقي لك فهده: اخص امي ساره لاتخربنالولد الجده: انتي روحي عن الحكي الماصخ سلمان : يلااه انا رايح وسلم علييفتشون له وراح عند الرجال كانو قاعدين سواليف مب دارين بشي دخل بنص بيتالشعر وقال: سلللللاااااااااااام اول شي بلمو مو مستوعبين: بعدين راح له نوافهلاااااااااا سلوم وحضنه وقامو يسلمون عليه واحد واحد هو ماهمه هذول اهم شي شخص كانيدور بينهم فنهايه لقاه قاعد بمكانه سلمان بلهفه:يبه الجد: وقف ونزلت دموعههذا ولده وصارله ثلاث سنوات ماشافهه وبعدين راح له سلمان وحضنه : الله يعلميابيه قد ايش مشتاق لكم الجد: حمد الله على سلامتك ياولدي سامحني مو مصدق وبتسمله سلمان وحبه على راسه ـــــــــــــــــــــــــــــــــــــــ في اليلوطفش وصل حده عند البنات فهده: الا مشاعل ايش فكرتك اللي تقولي ناديه: ايه صح <<< ناديه تحس نفسها كبيره وتقعد معهم وخصوصا وهي قريبه من نهىوفهده... مشاعل : ايه صح قربو واجتمعوا نهى : وش رايكم نطفياللمبات كلهم الا مشاعل:هههههههه نهى: يلللاقولي امزح عن حركاتبزران مشاعل: شوفو ابوي عنده ددسن سياره(ونيت) للمزرعه من عند الباب اللي ورىناخذه ونطلع وندور فيه ونفحط ونستانس رهف: يله خلونا فري طبعا عارضو بعض بسروح المغامره شجعتهم ناديه: الحين من بيسوق مشاعل: من غيره وائل ناديه لوتبوزها(ملاحظه وائل يموت عاتراب اللي تمشي عليه ناديه بس هي ماتحب حركاته قال للكلالعالم انه يحبها ويسوي زحمه اذا شافها) مشاعل : انا بتصل عليه ترنتررن وائل: نعم خير مشاعل: مالت هذا رد ترد به على اختك الكبيره وائل : اخلصي وش تبين مشاعل: اقول اخوي وحبيبي وائل ممكن طلب وائل: اخوي وحبيبيسلامات وش عندك مشاعل بصوت ترجي: والله حنا طفشانين ويمكن ننفجر نبيك تمشيناوتفحط بنا انت وبددسن ابو ي تكفى الله يعافيك وائل: قضبي الباب ناقصني مشاعل : بنات نداء الاستعطاف كلهم: تكفـــــــــــــــــــــــى وناديه ساكته: قالتمشاعل: ياعمري ناديه مسكينه فيها صيحه بتبكي من طفش::: هو سمعولاماسمع وائل: اطلعو عند الباب الوراني يللله مشاعل: ايه توك تعرف وتو ماملوعينك هذا القبيله اللي تترجاك وائل: بتطلعون ولا اهون مشاعل: لالالاخلاص وقفلت منه وراحو ومما معه االل طرح مشاعل تقول: اخوي مب لازم اخذ شي وجويركبون ددسن ابتسم وائل بخبث: اقول ترى منيب مطلعكم الابشرط بصوت واحد: وشو وائل بخبث: ابي ناديه تركب قدام ناديه: لاوالله احلف منييب وكلههمترجونها ندى: ندو حبيبتي يالله الله يعافيك توقف على يدك سعاده 10 بناتمساكين ـــــــــــــــــــــــــــــــــــــــــعند الرجال نواف ماسكها طنايزكل عاده نواف: نايف قم ارقص نايف: نعم ليه انشالله نواف: ابدا اقول يعنيتتعود نايف: اقول كل تبن ماتنعطى وجهه سلمان: يتعود على ايش نواف: علىلعرس سلمان: عرس مين نواف:من غيره سبع البرمبانايف سلمان.:احللللللللللللللللللف ليش ماعلمنتوني هذا اخرت اللي عنده عيالاخوات اكبر منه نايف: توني من اسبوع خاطب ممداني سلمان: يلله المره الجايهوكانت على وججهه علامات الاستغراب واضحه لانه يعرف عقده نايف من زواج ويعرفسرها وبعد وقت الفضول بيذبح سلمان سلمان: نايف تعال رامي: احلف بس انتوليش احنا عائله صريحه مشعل: أي والله مب علينا سلمان: اقول الطعشاتمايتكلمون يقصدون الل مابعد دخلو العشرين وطلع نايف وهو يضحك علىفشيلتهم وجلس هو وياه يسولفون بعدين قال نايف انت شلون بتتزوج نايفيستغبي: زي كل الخلق : سلمان: عن الهبال يعني كيف نسيت ا..... قاطعه نايف: انا اشلون انسى مانسيت بس هذي الوالده الله يهديها غصبتني ولا انا مالي في زواجوانت تعرف اختك عندها سكر لو ارفض دخلت في غيبوبه انت تعرفها حساسه سلمان اقتنعشوي: طيب من بتاخذ نايف بتردد ملحوظ: نسايم سلمان: وشششوووووووو ـــــــــــــــــــــــــــــــــــــــــ نهايه البارتتتوقعون ايش ردت فعل سلمان بعد الخبر سعيد؟ وش بيصير على اللي بددسن؟ وش اخرقرارات الحريم؟ تابعو احداثي ولاتبخلون علي بردودكم |
|
| 04-04-2008, 09:48 AM | ||||||||||||||||||
| البااارت الخامس... سلمان: طيب من بتاخذ؟؟؟؟ نايف بتردد ملحوظ: نسايم بنت خالي سلمان: وششششششششششو خير لاياشاطرانا صراحه مااامن بنت اخوي عليك وقف وهو يتكلم لاهون دور لك صرفه انت عارف غلاتها عندي والله اذا جاها شي بسببك لاتلوم الانفسك وو سمع صوت نايف .......... نايف وهو يتنهد: بس خلاص حرام عليكم ماتقدرون احساسي انتم محد اهتم بشعوري همكم هي وبس انا تعبان ومتعب روووحي عشان تستانسوون والللله هذا مايصير سلماااااااااااااان انت ماتفهم وشلون يعني اذا تزوجت نسايم ايش بيصير لي بس كل هذا عشانكم والله عشانكم وصوته بدى يررروح نزل راسه ودمعه شرحت كلامه الباقي سلمان كان احد كاب عليه مويه بارده: معقوله كل هذا عذاب ياولد اختي واانا مارحمتك خلاص يانايف اللي كاتبه ربي بيصير قوم غسل وجهك مشى نايف ماعبره بنظره كان مكسور وجرحه عميق مايقدر ينساه ولايقدريتعدى اللي كان بسهوله سلمان كان ضايق صدره بقوه منظر نايف وهو يبكي يهز وخصوصا شاب بها العمر وراح ودخل عند الرجال وكااان ضايق خلقه بقوه واول مادخل مروان: هاه عمي مامداك تشتاق سلمان: اشتاق للايش؟؟؟؟؟؟ رامي بكلم اللعبه: هاه عليييييييينا سلمان سفههم ولف لجهه التلفزيون مشعل حس بثقاله دمهم: بعد عمري عمي ماعليك منهم سلمان كانه تذكر شي وابتسم: بعد عمري ولد اخوي مشعل مو شله ابو شكيب اللي هنا رامي: نعم من ابو شكيب انا ولا انت شف عيونك هالشهب مروان: ييييييييييييبه الله يهديك ليش سميتني كذا حتى اقرب الناس لس يتطنز وصار يسوي نفسه يبكي ابو فهد: مروان اعقل وخلك رجال ترى والله لااروح وغير اسمك وخليه عوض زيين مروان: لااااااااا خلنا ابو شكيب ارحم رامي: مروان تدري للحين يعني اعرف سبب تسميتنا كذا انت ماتدري مروان: والله ماخذها الا مشيعل نفذ بجلده ااااه يالقهر مشعل:ههههههه سر المهنه نواف دخل: الحين سلمان ممكن سوال شمقعدك مع هالببيسي(لفظ يقصد به المراهقين الطائشين) ووطى صوته وقال الشياب ابو عبد العزيز: وش تقول نوويف تعال نواف:ابد سلامتك اقول للسلمان تعال ابو عبد العزيز اشوى الا وين عبد العزيز وحمد نواف الله الوهقه: يتمشون واشر للسلمان عشان يطلع ــــــــــــــــــــــــــــــــــــــــــــــــــ ـــــــــــــــــــــــــــ عند البنات بعد اقناع دام عشرون دقيقه رضت ناديه وركبت قدام وائل: تو مانورت السياره ولو انها ددسن ناديه:......... كانت متضايقه مره وساكته البنات ورا بالصندوق الهبال قايم ووازعااااااااااج العنود: وائل وائل:.......... العنود: وائل وصمخ عطنا وجه وائل : خير العنود: وش هالرد ولا عشان عندك الزين تكبرت التفتت ناديه وودها تذبحها العنود تكمل: يلللله نبي اكشن عاد سو حركات فلله وائل زين ابشري ويصك الفتحه اللي كانت بينهم وبدى التفحيط والبنات شاللو دنيا مصارخ ــــــــــــــــــــــــــــــــــــــــــــــــــ ـــــــــــــــــــــــــــ عند نواف وسلمان نواف: وش فيييك وش صاير سلمان ابتسم بمراراه: ابد تهاوشت انا ونايف نواف: احسب عندك سالفه سلمان في ننفسه بلاك ماتدري نواف: امش خلنا نتمشى الجو ولا اروع سلمان كان فعلن محتاج يتمشى : طيب يله نواف: وش رايك ناخذ جمس عمي ترى احلى سلمان: لاكبير ماله داعي نواف: اقول امش منب فاضي عشان اوصخ سيارتي وراحو وخذوه وطلعو نواف: الا ماقلت لي كم باقيلك وتخلص دراسه سلمان: بقي اخر سميستر وافتك وارجع نواف: حركات محد قدك ياسرع الدنيا سلمان ابتسم :.... نواف: شف وش هاددسن مليااان بنات اكيد اللي تسوق بهم بنت سلمان: أي واالله للحين ذا البنات مايتوبون نواف: والله لخليهم يتوبون اصبر وشف ــــــــــــــــــــــــــــــــــــــــــــــــــ ــــــــــــــــــــــــــ عند البنات رهف: يممممممه شوفو هالسياره تلاحقنا مشاعل: عن الخووووووف بلا بزاره فهده: ياملحنا مامعنا عبايات وجاين بطرحنا نهى: واذا صار بكييفه <<< البنت بايعتها العنوود: والله لوريه شغله خله يقرب وييشوف <<<طالعه على اخوها رهف: قولو لابو الشباب نايم في العسل وتفتح الشباك: هيييييييه وايييل<<< هذا اسم التعصيب) ترى فيه سياره تلاحقنا ناديه: لاااااااااا تقولين يمه انا في مقطعه (كانت من جد خايفه) وائل يوم شافها كذا ودق الصدر مسوي شجاع وائل: طيب رهف ارجعي مكانك ومسك الدركسون وناديه كااانت خايفه وتصيح قام مسك يدها<<< الله يهديه متاثر بالافلام ) وهو مسكها ولا مامسكها صرخت ناديه صرخه ولا اراديا هو لف الدركسون ومال الددسن على جنب وكل البنات طاحو اللي على الارض واللي جوا بس على خفيف يعني ماكانت الصدمه قويه ــــــــــــــــــــــــــــــــــــــــــــــــــ ـــــــــــــــــــــــــــ عند نواف وسلمان سلمان: شكل اللي تسوق بهم متخلفه شف شلون طاحو نواف: مساكين يمكن خافت ولعد عرفت تتحرك ترى تصير باحسن العائلات سلمان: يوووووه شف اشكالهم تنكت وهم يركبون نواف: أي والله مدري ليش ذكرت عباره اعاده تعبئه سلمان:هههههههههههاي الله يقطع بليسك نواف: امش نقرب والله لخليهم يحرمون يطلعون يها الليول بلحاهم ولا مامعهم رجال وقررررررربو وكاااااااااااااااااااااااااانت الصدمه سلمان: شف شف بناتنا نواف: وششششو لحظه أي والله هذي كشه العنود والله لوريهم نزل وهو معصب ونزل سلمان وراه نواف: عنييييييييده عنود العنود: خير اف وش جابك نواف: اقول ردي علي زي الناس وش مطلعكم الظاهر ودكم بلي يقول للعمي عبد الرحمن سلمان: وجع ولا معكم عبايات والله هاليله مب ماره على خير وكانووووو معصبين مررررررررره ومن بين مجادلاتهم رهف: مشااااااعل سم الله عليك وش فيك مشاعل فهده: وش فيها رهف : تصيييييييييييييييييييييييييييييييييييييح بتنهبل ــــــــــــــــــــــــــــــــــــــــــــــــــ ـــــــــــــــــــــــــــ اما عبد العزيز وحمد كانو رايحين للمخيم واحد يعرفونه قريب من عندهم وهو عازمهم وكان شي يعني شبابي كان فيييه كل الات الموسيقيه والفن وهبال وكل الشباب اللي هناك كووول عبد العزيز: اقول ورما نرجع لو يدري واحد من عماني ولا يفتن نواف نررررررروح شوربه حمد: اسكت والله اني على اعصابي عبد الهزيز وشوله نتعب انفسنا قم بس وتوهم قايمين فواز صديقهم: ويييييييييين تو الناس مامدانا نشبع منكم وانت عبد العزيز ماطربتنا عبد العزيز كان يدق عود وصووته جنان بس موهبته مدفونه لان لو ابوه درى انه يدق عود كان كسره فوق راسه حمد: لا لعذر والسموحه يالله بنطلع وطلعو ورجعو المزرعه كانت شبهه فاضيه الشياب والحريم نامو والشباب متوزعين مايقي الا الططعشات مروان ورامي ومشعل مروان: الا وين ذلف ولد خالك راامي: مدري اغلب الضن قاعد يدور طرؤيقه يلفت انتباه بعض الناس مشعل: لاااااا دامه تاخر اكيد ضبطت معه هالمره رامي: والله اني راحمها ربي بلا ها باها الوائل عله يالما تحبه ياماتستخف من حركاته مروان: حرررررام خلوه يضحي من اجل الحب ودخلو حمد وعبد العزيز : هاااااااااااااااااي مشعل: انتم وييييينكم مروان: يمكن يضحون عشان الحب رامي: كم ضحيتو هالسنه عبد العزيز: تستخفون دمكم وجع قومو اذلفو نومو حمد: يلللللللا ورنا عرض كتافكم......... الا وين العاشق الولهان<<< يقصد وائل الشباب وهم طالعين: عند المعشوقه المسكينه ورااااااااااااااااااااح الكل يناااااااااام ــــــــــــــــــــــــــــــــــــــــــــــــــ ـــــــــــــــــــــــــــ نهايه الجزء تتوقعون مشاعل ايش فيها؟؟؟ ناديه بتاخذ موقف من بعد اللي صار او ايش تسوي؟ نساييييييييم هل من جديد نايف ايش اخر اخباره وش بيصير عليه لا تنسون الردود ... |
|
| 04-06-2008, 03:56 AM | ||||||||||
|
